एजेन्सी । एशियाकै धनी व्यक्ति गौतम अडानीको अदानी समूहले आक्रामक रूपमा अधिग्रहण सम्झौताहरू गर्न थालेको छ । ब्लूमबर्गद्वारा संकलित डाटा अनुसार, समूहले गत वर्षमा १.३१ लाख करोड रुपैयाँ भारुभन्दा बढी मूल्यको १२ सम्झौताहरू गरेको छ । जसले यसलाई एशिया प्यासिफिक क्षेत्रमा सबैभन्दा ठूलो सम्झौता गर्नेहरू मध्ये एक बनाएको छ।

ब्लूमबर्ग बिलियनेर्स इन्डेक्सका अनुसार गौतम अडानीको कुल सम्पत्ति हाल करिब ८ लाख करोड रुपैयाँ भारु रहेको छ । भर्खरै, अदानी समूहले विश्वको सबैभन्दा ठूलो सिमेन्ट कम्पनी होल्सिमबाट अम्बुजा र एसीसी सिमेन्ट कम्पनीहरूमा करिब ८१ हजार करोड रुपैयाँमा शेयर किनेको छ।

लामो समयदेखि कोइला र पूर्वाधार परियोजनाहरूमा लगानी गरिरहेको अदानी समूहले अब चामलको ब्रान्डदेखि लिएर ट्राभल पोर्टलहरू, मिडिया समूहहरूको अधिग्रहण, हरित ऊर्जा र सिमेन्ट कम्पनीहरू सम्मका विभिन्न क्षेत्रहरूमा आफ्नो व्यवसायलाई विविधीकरण गर्दैछ।