एजेन्सी । तारा एयरलाइन्सको विमानको भग्नावशेष फेला परेको छ । नेपालको मुस्ताङमा यो विमान दुर्घटना भएको हो । विमानमा चालक दलका सदस्यसहित २२ जना सवार थिए । १४ जनाको शव फेला परेको छ । बाँकीको यकिन भइरहेको छ । विमानमा भारतको महाराष्ट्रको ठाणेबाट एकै परिवारका चार जना पनि सवार थिए ।

नेपालस्थित भारतीय दूतावासले ठाणेका अशोक त्रिपाठी (५४), उनकी श्रीमती वैभवी बाँडेकर–त्रिपाठी (५१), छोरा धनुष त्रिपाठी (२२) र छोरी ऋतिक त्रिपाठी (१८) पनि यात्रा गरेको जनाएको छ । सबैजना पोखराको मन्दिर दर्शन गर्न जाँदै थिए ।

अशोक त्रिपाठी श्रीमती वैभवीसँग अलग्गै बस्दै आएका थिए । दुवैको सम्बन्धविच्छेद हुन लागेको थियो र मुद्दा अदालतमा थियो । अदालतले फैसला नआएसम्म परिवारलाई प्रत्येक वर्ष १० दिन सँगै बिताउन भनेको थियो । यसै क्रममा चारैजना नेपाल गए । दुवै छोराछोरी वैभवीसँग बस्थे, अशोक एक्लै बस्थे ।

प्राप्त जानकारी अनुसार अशोकसँगै उनका काका पनि जान लागेका थिए । तर अन्तिम समयमा उनले योजना परिवर्तन गरेका थिए । विमान दुर्घटनाको जानकारी पाएपछि वैभवीका छिमेकीले भने, ‘यो निकै दुर्भाग्यपूर्ण छ र हामी सबै स्तब्ध भएका छौं । वैभवीको घरमा वृद्ध आमा मात्रै छन् । रोएर उनीहरुको हालत खराब छ । वैभवीकी आमाको केही दिनअघि शल्यक्रिया भएको थियो र उनी घरमा एक्लै छिन् ।’

वैभवी मुम्बईको बान्द्रा–कुर्ला कम्प्लेक्समा रहेको एक निजी कम्पनीमा सफ्टवेयर इन्जिनियरको रूपमा काम गर्छिन । छोरा धनुष इन्जिनियरिङमा उत्तीर्ण भएका छन् भने छोरी ऋतिका स्कुलमा पढ्छिन् ।

अशोकको ओडिशामा एचआर कन्सल्टेन्सी फर्म छ। उनी पाँच दाजुभाइमध्ये चौथो हुन्। उनका परिवारका बाँकी सदस्य पुणेमा बस्छन्। दुर्घटनाको जानकारी पाएपछि पूरै परिवार राति अबेर ठाणे पुगेका थिए । अशोकका बुबा जिल्ला न्यायाधीश हुन् । उनको ११ वर्षअघि निधन भएको थियो । उनकी आमाको पनि २०२० मा निधन भयो ।

अशोक त्रिपाठी श्रीमतीसँग अलग्गै बस्दै आएका थिए । अदालतले उनलाई वर्षमा १० दिन मात्र छोराछोरीसँग समय बिताउन अनुमति दिएको थियो ।अशोक त्रिपाठी श्रीमतीसँग अलग्गै बस्दै आएका थिए । अदालतले उनलाई वर्षमा १० दिन मात्र छोराछोरीसँग समय बिताउन अनुमति दिएको थियो ।

अशोकका भाइ कानन त्रिपाठीले भने, ‘अशोकले मसँगै नेपाल घुम्ने योजना बनाएका थिए । यसमा उनी निकै खुसी थिए । यद्यपि, मेरो लागि केहि काम भयो र मैले योजना रद्द गरें ।
अशोक वैशाख २६ गते मुम्बई आएका थिए र यो परिवार यहाँबाट नेपाल गएका थिए । अशोकका केयरटेकरले भने, ‘सर (अशोक) मुम्बई गएको दिन उनले कहिले फर्कनेछन् भन्ने बताएनन् । तिनीहरूले मलाई घरको हेरचाह गर्न मात्र आग्रह गरेका थिए । 

यो जानकारी वैभवीकी आमालाई पु¥याउन प्रहरीले निकै संघर्ष गर्नुपरेको थियो । उनको राहदानीमा बोरिवलीको चिकुवाडी क्षेत्रको ठेगाना लेखिएको थियो । मुम्बई पुलिस त्यहाँ पुग्दा फ्ल्याटमा ताला लगाइएको भेटियो । त्यसपछि छिमेकीहरूले प्रहरीलाई परिवार थाने सरेको बताए । त्यसपछि प्रहरीले त्यहाँ बस्ने आफन्तलाई सम्पर्क गरी नयाँ ठेगाना पत्ता लगाएको थियो ।

नेपाली सेनाको खोज तथा उद्धार टोलीले दुर्घटनास्थल पत्ता लगाउने क्रममा दुर्घटनाग्रस्त विमानको तस्विर पनि शेयर गरेको छ । मुस्ताङको सानोस्वेयर क्षेत्रमा विमानको भग्नावशेष फेला परेको छ । विमान पोखराबाट जोमसोमका लागि बिहान ९ः५५ मा उडेको थियो । १०ः१० मा अवतरण गर्ने भनिएको थियो तर अवतरण अघि एयर ट्राफिक नियन्त्रकसँग सम्पर्क बिच्छेद भयो । ३ जना चालक दलका सदस्य सहित कुल २२ जना थिए । जसमध्ये ४ जना भारतीय थिए । उक्त विमान ४३ वर्ष पुरानो भएको बताइएको छ ।