हङकङको एयरपोर्ट प्रदर्शनकारीको कब्जामा

आर्थिकन्यूज
सोमबार, २७ साउन २०७६

एजेन्सीहरु । प्रदर्शनकारीहरुले हङकङको अन्तर्राष्ट्रिय विमानस्थल कब्जामा लिएका छन् । सोमबार दिउँसो आगमन र प्रस्थानतर्फका टर्मिनल हजारौं प्रदर्शनकारीले भरिएपछि विमानस्थलबाट हुने सबै उडान बन्द भएको अन्तर्राष्ट्रिय समाचार एजेन्सीहरुले जनाएका छन् ।
प्रहरीले एक प्रदर्शनकारी महिलालाई कुटपिट गरेको विरोधमा विमानस्थल प्रवेश गरेका हुन् । उनीहरुले आफ्नो आन्दोलनका बारेमा अन्तर्राष्ट्रिय समुदायलाई जानकारी गराउन विभिन्न भाषामा पर्चासमेत वितरण गरेका छन् ।