प्रधानमन्त्री कार्यालयमा सरुवा भए अर्थसचिव मरासिनी

आर्थिकन्यूज
विहीबार, १९ साउन २०७९

काठमाडौं । अर्थ सचिव मधुकुमार मरासिनीको सरुवा गरिएको छ । बिहीबार बसेको मन्त्रिपरिषद बैठकले अर्थ सचिव मरासिनीलाई प्रधानमन्त्री कार्यालयमा सरुवा गर्ने निर्णय गरेको हो ।

मरासिनी गत आइतबारदेखि अर्थ मन्त्रालयमा हाजीर भएका थिएनन् । जनार्दन शर्मा पुनः अर्थमन्त्री भएर अर्थमन्त्रालय फर्किएपछि मारसिनी मन्त्रालयमा हाजीर नभएका हुन् । शर्मा अर्थमन्त्री भएर पुनः फर्किएपछि मरासिनी आफैले सरुवा मागेकोले उनलाई प्रधानमन्त्री कार्यालय सरुवा गरिएको स्रोतले जनाएको छ ।