एजेन्सी । भू–राजनीतिक विकासका बीचमा चीन र ताइवानबीचको तनाव बढ्दै गएको छ। यस्तो अवस्थामा, ताइवानी कम्पनीहरूले चीनमा आफ्नो एक्सपोजर घटाउँदै छन् र राम्रो विकल्पहरू खोजिरहेका छन्। बदलिएको अवस्थामा, भारत ताइवानी कम्पनीहरूको रोजाइको रूपमा उभिएको छ। यो ताइवानको सबैभन्दा ठूलो कम्पनी फक्सकनले संकेत गरेको हो। फक्सकनले भारतमा आफ्नो व्यापार र लगानी बढाउने तयारी गरिरहेको छ ।

एप्पल, शाओमीलगायत धेरै कम्पनीहरूको स्मार्टफोन निर्माता फक्सकनले भारतमा तीनवटा कारखाना सञ्चालन गर्दै आएको छ। फक्सकनको भारतको तमिलनाडु र आन्ध्र प्रदेशमा तीनवटा कारखाना छन्। यी कारखानाहरूमा एप्पल र शाओमी जस्ता ब्रान्डका स्मार्टफोन लगायत अन्य धेरै ब्रान्डका इलेक्ट्रोनिक उत्पादनहरू बनिरहेका छन्।फक्सकनको भारतीय इकाईले भारतमा एफआईएच आईपीओ ल्याउने तयारी गरिरहेको छ। भारतमा इलेक्ट्रोनिक उपकरणहरूको लागि डिस्प्ले प्यानल र सेमीकन्डक्टर चिप्स निर्माण गर्ने घोषणा गरिसकेको छ।

फक्सकनका अध्यक्ष यंग लिउले दोस्रो त्रैमासिक नतिजापछि गत हप्ता लगानीकर्ता कलमा भारतीय व्यापारको बारेमा स्पष्टसँग कुरा गरे। उनले भारतको समग्र औद्योगिक वातावरणमा सुधार आएको बताए । यससँगै सरकारी स्तरमा पनि दक्षतामा सुधार आएको छ । उनले लगानीकर्ताहरूसँगको कुराकानीमा भारतको बढ्दो महत्त्वलाई जोड दिए। उनले भने, ‘हामीलाई लाग्छ भारतले आगामी दिनमा निकै महत्वपूर्ण भूमिका खेल्नेछ । समग्रमा, मैले देखेको छु कि भारतमा हाम्रो व्यापार सही दिशामा गइरहेको छ। मलाई लाग्छ भविष्यमा यो अझ राम्रो हुनेछ।’

यद्यपि, फक्सकनका अध्यक्षले कुनै पनि लगानीको आंकडा वा कुनै विशेष उत्पादनको बारेमा जानकारी दिएनन्। उनले भने, ‘समग्रमा भारतमा हाम्रो समूहको विकास सक्रिय रूपमा विस्तार हुँदैछ।ु लिउले भर्खरै प्रधानमन्त्री नरेन्द्र मोदी र इलेक्ट्रोनिक्स र आईटी मन्त्रीलाई भेटेका थिए।’