एजेन्सी । छिमेकी राष्ट्र पाकिस्तान विगत केही महिनादेखि अप्रत्याशित संकटको देखापरिरहेको  छ । देशका कैयौं भागमा पाकिस्तान बाढी संकटको अवस्था भयावह बनेको छ । एकपछि अर्को गर्दै आएका यी संकटका बीच पाकिस्तानमा सर्वसाधारणको जीवन कष्टकर बनेको छ ।अहिले तरकारीको मूल्य आकाशिएको  छ । एक रिपोर्टका अनुसार पाकिस्तानमा  टमाटरको मूल्य प्रतिकिलो रु ५०० पाकिस्तानी रुपैयाँ पुगेको छ भने प्याजको मूल्य रु ४०० पाकिस्तानी रुपैयाँ पुगेको छ ।

समाचार एजेन्सी पीटीआईको एक रिपोर्टमा, लाहोरको तरकारी बजारका व्यापारीहरूले भन्यो कि पाकिस्तान सरकारले अत्यधिक बढेको मूल्यको बीचमा भारतबाट टमाटर र प्याज आयात गर्ने विचार गरिरहेको छ। त्यहा भीषण बाढीका कारण तरकारी र अन्य बालीमा ठूलो क्षति पुगेको छ। जसका कारण पाकिस्तानमा तरकारीलगायत धेरै अत्यावश्यक खाद्यवस्तुको अभाव भएको छ । टमाटर र प्याज मात्र नभई लाहोरसहित पाकिस्तानी पञ्जाबका धेरै भागमा सबै तरकारीको मूल्य रेकर्ड स्तरमा पुगेको छ ।

लाहोर बजारका थोक व्यापारी जावाद रिजवीले पीटीआईलाई भने, “आइतबार लाहोर बजारमा टमाटर प्रतिकिलो ५०० र प्याज ४०० रुपैयाँमा बिक्री भएको थियो। तर, आइतबार हुने हाटमा नियमित बजारको तुलनामा प्रतिकिलो करिब १०० रुपैयाँ कम रहेको थियो । बाढीका कारण बलुचिस्तान, सिन्ध र दक्षिण पञ्जाबबाट तरकारीको आपूर्ति अवरुद्ध भएको छ ।'' जसका कारण आगामी दिनमा टमाटर, प्याजलगायत सबै तरकारीको आपूर्ति अवरुद्ध भएको छ । जसका कारण आगामी दिनमा टमाटर, प्याजलगायत सबै तरकारीको भाउ बढ्ने सम्भावना छ ।

रिजवीले आगामी दिनमा प्याज र टमाटरको मूल्य प्रतिकिलो सात सय नाघेको आशंका व्यक्त गरे । त्यस्तै, आलु पनि प्रतिकिलो ४० रुपैयाँको सट्टा १२० रुपैयाँ महँगो भएको छ । बलुचिस्तानको तफ्तान नाका हुँदै इरानबाट टमाटर र प्याज ल्याउने विकल्प रहेको तर इरान सरकारले आयात–निर्यातमा करमा उल्लेख्य बृद्धि गरेकोले महँगो पर्ने चीमाले बताए ।