काठमाडौं । आगामी ४ मंसिरमा तय प्रतिनिधिसभा निर्वाचनका लागि समानुपातिक निर्वाचन प्रणालीतर्फ भाग लिन ७६ दलले ६८ निवेदन पेस गरेका छन् ।

आयोगले समानुपातिक निर्वाचन प्रणालीतर्फका लागि आफ्नो केन्द्रीय कार्यालयमा रहेको मुख्य निर्वाचन अधिकृत कार्यालयमा निवेदन दिन १० देखि १२ भदौसम्म गरी तीन दिनको समय तोकेको थियो ।

प्रदेशसभामा कहाँ कति ?

आयोग प्रवक्ता शालिग्राम शर्मा पौडेलले प्रतिनिधि सभाको समानुपातिक निर्वाचन प्रणालीतर्फ राजनीतिक दलको मनोनयन दर्ता गर्न तोकिएको समयभित्र ७६ दलले ६८ निवेदन दर्ता गराएको जानकारी दिए ।

त्यस्तै, प्रदेश सभातर्फ प्रदेश १ मा ५५ निवेदनमार्फत ६३ दल, मधेस प्रदेशमा ५९ निवेदनमार्फत ६७ दल, बाग्मती प्रदेशमा ५८ निवेदनमार्फत ६६ दल, गण्डकी प्रदेशमा ५२ निवेदनमार्फत ६० दल, लुम्बिनी प्रदेशमा ५४ निवदेनमार्फत ६२ दल, कर्णाली प्रदेशमा ४९ निवेदनमार्फत ५७ दल र सुदुरपश्चिम प्रदेशमा ५० निवेदनमार्फत् ५८ दलले निवेदन दर्ता गराएको आयोग प्रवक्ता शर्माले जानकारी दिए ।