काठमाडौं । अछाममा बाढी पहिरोमा परी २१ जनाको मृत्यु भएको छ भने २ जना वेपत्ता भएको प्रहरीले जनाएको छ । अछामका तीनवटा स्थानीय तहको पाँच स्थानमा पहिरोले पुरिँदा स्थानीय बासिन्दा बेपत्ता भएका हुन । पहिरोले पुरिँदा ३ जना गम्भीर घाइते भएका छन् ।

अछामका तुर्माखाँद गाउँपालिका, ढकारी गाउँपालिका र कमलबजार नगरपालिकाको दुई ठाउँमा पहिरो खस्दा ठूलो मानवीय क्षति भएको जिल्ला प्रशासन कार्यालयले जनाएको छ ।  

जिल्ला प्रशासनका कार्यालयका अनुसार तुर्माखाँद गाउँपालिका–५ मा ८ जना, कमला बजार नगरपालिका ६ मा ७ जना सोहि वडाको ८ नम्बरका ५ जनाको मृत्यु भएको छ । त्यस्तै, ढकरी गाउँपालिका ६ मा एक जनार ढकरीकै वडा नम्बर एकमा एक जना वेपत्ता भएका छन् ।