काठमाडौं । संविधान दिवसको अवसरमा बारामा झन्डोत्तोलन गराएको छ । कलैया उपमहानगरपालिकाको प्राङ्गणमा नगर प्रमुख विनोद साह द्वारा संविधान दिवसको अवसरमा झन्डोत्तोलन गरिएको हो ।

२०७२ साल असोज ३ गते सङ्घीय लोकतान्त्रिक गणतन्त्र नेपालको संविधान जारी भएको ऐतिहासिक दिनको अवसर पारी संविधान दिवस मनाएको साहले बताए । राष्ट्रिय झण्डा फहराएर राष्ट्रिय गान गाई संविधान दिवस मनाएका थिए ।

झण्डा फहराउदै नगरप्रमुख साहले नेपाल सरकारले जारी गरेको संविधानको अधिनमा रही सबले काम गर्नु पर्ने बताए । स्थानीय तहबाट प्रदान गरिने सेवा र सुविधामा सम्पूर्ण नागरिकको समान हक प्रदान गरिरहेको नगर प्रमुख साहले दावी गरेका छन् । संविधानले सबैको हकहित सुनिश्चित समेत गरेको उनले बताए ।