रेशमलाल चौधरीले जेलबाटै बर्दिया क्षेत्र नं २ मा उम्मेदवारी दर्ता गराए

आर्थिकन्यूज
आइतबार, २३ असोज २०७९

काठमाडौं । रेशमलाल चौधरीले बर्दिया निर्वाचन क्षेत्र नं २ बाट उम्मेदवारी दर्ता गराएका छन् । चौधरी नागरिक उन्मुक्ति पार्टीका संरक्षक समेत छन् । मंसिर ४ गते हुने प्रतिनिधि सभा सदस्य निर्वाचनको लागि उम्मेदवारी दर्ता गराएका हुन् ।

२०७४ को निर्वाचनमा कैलाली निर्वाचन क्षेत्र १ बाट प्रतिनिधि सभा सदस्य निर्वाचनमा बहुमतले विजयी भएका थिए । चौधरी टीकापुर घटना मुद्दामा जिल्ला अदालत कैलाली र उच्च अदालत दिपायलले दोषी ठहर गरेपछि हाल जेल जीवन बिताउँदै आएका छन् ।