आगलागीबाट विभिन्न धनमाल जलेर नष्ट

आर्थिकन्यूज
शनिबार, १२ कार्तिक २०७९

काठमाडौं । पर्वत, कुश्मा नगरपालिका-१३ खौलालाकुरी बस्ने ४८ वर्षीय धन बहादुर कुँवरको किराना पसलमा शुक्रबार राति आगलागी हुँदा करिब १० लाख रूपैयाँ बराबरको धनमाल नष्ट भएको छ ।

सिन्धुपाल्चोक, मेलम्ची नगरपालिका-५ ढुंग्रेछाप बस्ने लोक बहादुर रायमाझीको घरमा रहेको किराना पसल, मासु पसल, कस्मेटिक पसलमा गएराति आगलागी हुँदा करिब १२ लाख ७५ हजार रूपैयाँ बराबरको धनमाल जलेर नष्ट भएको छ । प्रहरीले स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।