एजेन्सी । भारतको सबैभन्दा ठूलो कार कम्पनी मारुती सुजुकीले सेप्टेम्बर २०२२ मा समाप्त भएको दोस्रो त्रैमासिकको नतिजा शुक्रबार घोषणा गर्‍यो। यस त्रैमासिकमा कम्पनीको खुद नाफा ३३३ प्रतिशत अर्थात वार्षिक ४ गुणाले बढेर  २०६१ करोड रुपैयाँ भारु पुगेको छ । अघिल्लो वर्षको सोही अवधिमा यो ४७५ करोड रुपैयाँ थियो ।

दोस्रो त्रैमासिकमा कम्पनीको स्ट्यान्डअलोन राजस्व गत वर्ष २०,५३८ करोड रुपैयाँको तुलनामा वार्षिक रूपमा ४६ प्रतिशत बढेर २९,९३१ करोड रुपैयाँ भारु पुगेको छ। यस त्रैमासिकको लागि कम्पनीको सञ्चालन नाफा लगभग ४२ प्रतिशतले बढेर २,०४६.३० करोड रुपैयाँ भारु पुगेको छ।

अघिल्लो वर्षको सोही अवधिमा कम्पनीको सञ्चालन नाफा ८५५ करोड रुपैयाँ रहेको थियो । सोही समयमा कम्पनीको सञ्चालन नाफा मार्जिन ४.२ प्रतिशतबाट ५०५ आधार अंकले बढेर ९.२५ प्रतिशत पुगेको छ ।

कम्पनीले त्रैमासिक अवधिमा कुल ५ लाख १७ हजार ३ सय ९५ सवारी साधन बिक्री गरेको छ जुन कुनै पनि त्रैमासिकमा सबैभन्दा बढी हो । आन्तरिक बजारमा कम्पनीले ४ लाख ५४ हजार २ सय कित्ता बिक्री गरेको छ । कम्पनीले आर्थिक वर्ष २०२३ को दोस्रो त्रैमासमा अहिलेसम्मकै उच्च बिक्री राजस्व कमाएको छ ।

मारुती सुजुकीको उत्कृष्ट नतिजापछि कम्पनीको शेयरमा पनि उल्लेख्य वृद्धि भएको छ । शुक्रबार कम्पनीको शेयर करिब ५ दशमलव ६० प्रतिशतले बढेर  ९ हजार ५ सय ४८ रुपैयाँ भारुमा बन्द भएको थियो ।