नक्कली पीसीआर रिपोर्ट बनाउने विरुद्ध मुद्दा दायर

आर्थिकन्यूज
विहीबार, १७ कार्तिक २०७९

काठमाडौं । नक्कली पीसीआर रिपोर्ट बनाएको आरोपमा नारायणप्रसाद पौडेल विरुद्ध मुद्दा दायर भएको छ । अख्तियार दुरुपयोग अनुसन्धान आयोगले धौलागिरी हिमाल पोलिक्लिनिक, बसुन्धराका संचालक समेत रहेका पौडेललाई सरकारी कागजातको दुरुपयोग गरेको आरोपमा मुद्दा दायर गरेको हो ।

पौडेलले कोभिड १९ को परीक्षण नगरीकन नक्कली रिपोर्ट दिएको तथा त्रिवि शिक्षण अस्पतालको लोगो तथा सम्बन्धित व्यक्तिको हस्ताक्षर अनाधिकृत रुपमा प्रयोग गरी सरकारी कागजातको दुरुपयोग गरेको अख्तियारको आरोप रहेको छ । आयोगले उनी विरुद्ध बिहिबार विशेष अदालत, काठमाडौंमा आरोपपत्र दायर गरेको हो ।