कस्मेटिक पसलमा आगलागी हुँदा पाँच लाखको धनमाल जलेर नष्ट

आर्थिकन्यूज
आइतबार, २७ कार्तिक २०७९

महोत्तरी । कस्मेटिक पसलमा आगलागी हुँदा धनमाल जलेर नष्ट भएको छ । बर्दिवास नगरपालिका ४ भप्सी टोलस्थित रामजी कुमार पौडेलको कस्मेटिक पसलमा विद्युत सर्ट भई शनिबार बेलुकी आगलागी हुँदा कस्मेटिक, फर्निचर लगायतका सामानहरू जलेर करिब ५ लाख रूपैयाँ बराबरको धनमाल नष्ट भएको छ । प्रहरी, दमकल र स्थानीयवासीको सहयोगमा आगलागी नियन्त्रणमा लिनुका साथै यस सम्बन्धमा प्रहरीले थप अनुसन्धान गरिरहेको छ ।