पोखरा । हिमालपारिको जिल्ला मुस्ताङबाट कांग्रेसले प्रतिनिधिसभा तथा प्रदेशसभा सदस्य निर्वाचन–२०७९ मा पहिलो जीत दिलाएको छ । मुस्ताङमा संघसहित प्रदेशसभामा समेत जीत हासिल गरेर कांग्रेसले क्लीन स्वीप गरेको छ । मुस्ताङ (क) मा नम्डु गुरुङ र (ख) मा विकल शेरचन निर्वाचित भएका छन् । चुनावमा पराजित हुनै सबै निवर्तमान सांसद समेत हुन् भने जित्ने सबै ४० वर्ष मुनिका युवा हुन् ।

योगेश गौचनले एमालेका उम्मेदवार प्रेमप्रसाद तुलाचनलाई पराजित गर्दै जीतको खाता खोलेका हुन् । गौचनले ३ हजार ९ सय ९२ मत प्राप्त गर्दा एमालेका तुलाचनले ३ हजार ७८ मत प्राप्त गरेका हुन् । मुस्ताङमा ७ हजार २ सय ३० मत खसेको थियो । ९ सय १४ अन्तर पारेर निर्वाचित योगेश मुस्ताङमा लामो समयसम्म एकछत्र राज गर्दै आएका रोमी गौचन थकालीका सुुपुत्र हुन् ।