एजेन्सी । आजकल ठगीका अनौठा घटनाहरु देख्न पाइन्छ । यसका लागि दुष्ट मानिसहरूले सामाजिक सञ्जालको अत्यधिक प्रयोग गरिरहेका छन्। गत सेप्टेम्बर महिनामा पनि ठगहरूले भारतको ठूला कम्पनीका सीईओको फोटो राखेर ह्वाट्सएपमार्फत व्यवस्थापनलाई म्यासेज पठाएर १ करोडभन्दा बढी रकम हस्तान्तरण गरेको यस्तै घटना देखिएको थियो । तर, यस घटनामा अहिले सात जना अभियुक्तलाई प्रहरीले पक्राउ गरेको छ ।

सेप्टेम्बर २०२२ मा, भ्याक्सिन बनाउने ठूलो कम्पनी सीरम इन्स्टिच्युट अफ इण्डियामा ठगीको घटना बाहिर आयो। यसमा ठगी गर्नेहरूले कम्पनीका सीईओ अदार पूनावालाको नक्कल गरेर १ करोडभन्दा बढी ठगी गरेका थिए । सीईओ अदार पूनावालाको फोटो व्हाट्सएप डीपीमा राखेर व्यवस्थापनसँग पैसा मागेका थिए। सीईओको फोटोसहितको ह्वाट्सएपबाट आएको म्यासेज हेरेर हतारमा अनलाइनबाट रु १,०१,०१,५५४ पैसा भारु ट्रान्सफर गरियो ।

कम्पनीसँग ठगी गरेको कुरा बाहिर आएपछि अधिकारीहरूले प्रहरीमा उजुरी गरेका थिए । जसमा अदार पूनावाला बनेर ठगहरुले विभिन्न खातामा रकम ट्रान्सफर गरेको बताइएको छ । यस उजुरीमा अनुसन्धान अगाडि बढाउँदै, पुणे पुलिसले आठ खाताहरू पहिचान गर्यो जसमा पैसा ट्रान्सफर गरिएको थियो। भारतको सिरम इन्स्टिच्युट अफ इन्डियाको १.०१ करोड रुपैयाँ भारुभन्दा बढीको ठगीमा संलग्न रहेको आरोपमा प्रहरीले अहिले सात संदिग्धलाई पक्राउ गरेको एएनआईले जनाएको छ।