एमाले नेता गोकुल बास्कोटाको घरमा फेला परेको प्रेसरकुकरमा के छ ?

आर्थिकन्यूज
आइतबार, १८ मंसिर २०७९

काठमाडौं । नेकपा एमालेका नेता एवं काभ्रेपलाञ्चोकबाट निर्वाचित सांसद गोकुल बास्कोटाको घरमा शंकास्पद वस्तु फेला परेको छ । भक्तपुरको लोकन्थलीस्थित बास्कोटाको घरमा शंकास्पद वस्तु फेला परेको हो ।

घरको कम्पाउण्डमा प्रेसरकुकरमा राखिएको अवस्थामा बम जस्तो वस्तु भेटिएपछि प्रहरीको टोली घटनास्थल पुगेको छ।

नवनिर्वाचित बास्कोटा भने काभ्रेस्थित आफनै घरमा रहेका छन् । बिहान पसल जाने क्रममा छिमेकीले घरको पेटीमा प्रेसरकुकरमा शंकास्पद बस्तु देखिएपछि खबर गरेको बताइएको छ ।