राष्ट्रिय स्वतन्त्र पार्टीभित्र समानुपातिक सिट छनौट प्रति असन्तुष्टि

आर्थिकन्यूज
विहीबार, २२ मंसिर २०७९

काठमाडौं । मंसिर ४ गतेभन्दा केहि महिना पहिला मात्रै उदाएको राष्ट्रिय स्वतन्त्र पार्टी (रास्वपा)मा विवाद देखा पर्न थालेको छ । समानुपातिक पद्धतिमा पाएको १३ सिटमा सांसद छनौटमा विवाद देखिएको हो ।

सुनसरीका अध्यक्ष लालविक्रम थापाले आफ्नो पार्टीको समानुपातिकको बन्दसूचीमा रहेका उम्मेदवारबाट १३ जना चयन गर्दा विधि पद्धतिको अनुरशरण नगरेको आरोप लगाएका छन् । उनले बिहीबार सुनसरीमा धर्नामा सहभागी विधि, पद्धति, बन्दसूचीको क्रम संख्या जस्ता मान्यता मिच्न खोजिएको भन्दै असन्तुष्टि जनाएका छन् ।