एजेन्सी । भारतीय हिरा व्यापारी नीरव मोदीले भारतलाई सुपुर्दगी गर्ने सम्बन्धमा बेलायतको सर्वोच्च अदालतमा जान पाउने छैनन्। बिहीबार लण्डन हाईकोर्टले नीरवलाई सर्वोच्च अदालतमा अपिलको राहत दिन अस्वीकार गरेको थियो। सुपुर्दगी आदेश लन्डन उच्च अदालतले पनि दिएको थियो। यसविरुद्ध उनी सर्वोच्च अदालत जान चाहन्थे । अब आवेदन अस्वीकृत भएपछि नीरवलाई भारत ल्याउन सहज भएको छ ।

बिहीबार, लन्डन उच्च अदालतका न्यायाधीश जेरेमी स्टुअर्ट स्मिथ र न्यायमूर्ति रोबर्ट जेको बेन्चले नीरवलाई सर्वोच्च अदालतमा अपील गर्नबाट रोक लगाएको थियो। विशेष कुरा के छ भने यी दुई न्यायाधीशले ५१ वर्षीय नीरवको अघिल्लो याचिकामा पनि सुनुवाइ गरेका थिए ।

 त्यसपछि नीरवले आफू मानसिक रोगी भएको भन्दै भारतलाई सुम्पन नहुने बताएका थिए । त्यसपछि पनि यी दुई न्यायाधीशले उनको निवेदन खारेज गर्दै सुपुर्दगीको आदेश दिएका थिए ।