एजेन्सी ।  लकडाउनपछि भारतको अर्थतन्त्र अब ट्रयाकमा फर्किएको छ। त्यहा कर्जाको माग पनि बढ्दै गएको छ । नयाँ व्यवसाय र उद्यम सुरु गर्न खोजिरहेका छन् भने कोही नयाँ स्टार्टअप खोलिरहेका छन् । यसबाहेक सबैलाई आफ्नो ठूला वा साना आवश्यकताहरू पूरा गर्न ऋण चाहिन्छ।

त्यसैगरी, वित्त क्षेत्रमा काम गर्नका लागि धेरै कम्पनीले उम्मेदवारको सिबिल अंक राम्रो हुनुपर्ने बाध्यता पनि बनाएका छन् । यस्तो अवस्थामा राम्रो सिबिल स्कोर कायम गर्न आवश्यक छ।

क्रेडिट सूचना ब्यूरो इन्डिया लिमिटेड भारतीय रिजर्व बैंकबाट इजाजतपत्र प्राप्त क्रेडिट स्कोर रिपोर्टिङ कम्पनीहरूमध्ये एक हो। यस बाहेक इक्विफ्याक्स, एक्सपेरियन र सीएफआई हाइमार्कले पनि भारतमा क्रेडिटको बारेमा जानकारी प्रदान गर्दछ।

क्रेडिट स्कोर ३०० देखि ९०० बीचको तीन अंकको संख्या हो जसले व्यक्तिको क्रेडिट इतिहासको समेत विस्लेषण गरिने छ । यसले व्यक्तिको बैंक वा गैर–बैंकिङ संस्थाहरूसँग कसरी कारोबार भएको देखाउँछ। क्रेडिट स्कोर उत्पन्न गर्न कम्तिमा एक पटक ऋण लिनुपर्छ। यो एक दिनमा बन्दैन १९ देखि ३६ महिना लाग्छ।

ऋण प्रक्रियामा क्रेडिट स्कोरले महत्त्वपूर्ण भूमिका खेल्छ। राम्रो भए कर्जा स्वीकृत हुन समस्या हुँदैन र कम भएमा ऋण पाउन गाह्रो हुन्छ । धेरैजसो बैंक तथा वित्तिय कम्पनीहरुले कर्जा दिन पनि मानेनन् । राम्रो क्रेडिट स्कोरको साथ कम ब्याजमा ऋण प्राप्त गर्ने सम्भावना पनि छ। ३०० देखि ५५० को क्रेडिट स्कोर कमजोर मानिन्छ ।  भने ५५० देखि ६५० औसत ६५० देखि ७५० राम्रो र ७५० देखि ९००  लाई उत्कृष्ट मानिन्छ।