गुडीरहेको रेल चढ्न खोज्दा एक जनाको मृत्यु

आर्थिकन्यूज
बुधबार, १३ पुस २०७९

काठमाडौं । गुडीरहेको रेल चढ्न खोज्दा धनुषाका एक पुरुषको मृत्यु भएको छ । जयनगरबाट जनकपुरतर्फ आइरहेको रेलमा चढ्न खोज्दा धनुषाको नगराइन नगरपालिका २ का पुरण सदाको मृत्यु भएको हो ।

नेपाल रेल्वे कम्पनीका महाप्रवन्धक निरञ्जन झाले आज बिहान रेलको लिकमा परेर ३४ वर्षीय सदाको मृत्यु भएको बताए । उनले आर्थिक न्युजसंग भने, ‘आज बिहान बैदेही स्टेसनमा गुडीरहेको रेलमा चढ्न खोज्दा सदाको मृत्यु भएको हो । रेल चढ्न खोज्दा उनी चिप्लिएर लिकमा परेका हुन् । उनको शव पोस्टमार्टमका लागि जनकपुर ल्याउने तयारी भइरहेको छ ।’