एजेन्सी। अमेरिकाको सन फ्रान्सिस्कोमा रहेको ट्विटरको कार्यालयको भाडा नतिरेको भन्दै ट्विटरमाथि मुद्दा दायर गरिएको छ । मिडिया रिपोर्टका अनुसार भवन मालिकले एलन मस्कलाई गत डिसेम्बर १६ मा हार्टफोर्ड भवनको ३० औँ तल्लाको भाडा बुझाउने समय पाँच दिनमा सकिँदै गएको जानकारी भवन मालिकले दिएका थिए। 

भाडा नतिरेको खण्डमा सो कम्पनीलाई डिफल्ट घोषणा गर्ने चेतावनी समेत उनले दिएका थिए । तर, ट्विटरको नयाँ व्यवस्थापनले त्यसलाई गम्भीरतापूर्वक लिएन। अन्ततः उनले बिहीबार सान फ्रान्सिस्कोको स्टेट कोर्टमा ट्विटर विरुद्ध निवेदन दिएका छन्। तर, अहिलेसम्म यस विषयमा ट्विटरबाट कुनै प्रतिक्रिया आएको छैन ।

विश्वका दोस्रो धनी व्यक्ति एलोन मस्कको कम्पनी ट्विटरले विश्वका अन्य कार्यालयको भाडा समेत तिरेको छैन । मस्कले ट्विटर टेकओभर गरेपछि त्यस्ता सम्पत्तिका मालिकहरूले भाडा पाएका छैनन् भन्ने समाचारहरू अहिले व्याप्त छन्।

भवन मालिकहरूले ट्विटरलाई आफ्नो सम्पत्ति खाली गर्न आग्रह गरिरहेका छन् तर कम्पनीबाट कुनै प्रतिक्रिया आएको छैन। कतिपय अवस्थामा जग्गाधनीहरूले लिज सम्झौता अनुसार ट्विटरलाई सम्पत्ति खाली गर्न भनेका छन्। उनीहरूले ट्विटरबाट बक्यौता भाडा पनि मागेका छैनन् ।

माइक्रो ब्लगिङ साइट ट्विटरका सिइओ एलोन मस्कले नयाँ वर्षको अवसरमा ट्विटरमा नयाँ फिचर थप्ने घोषणा गरेका छन् । नयाँ सुविधाको रूपमा  प्रयोगकर्ताहरूले स्वाइप गरेर सिफारिस गरिएको, फलो गरिएको ट्विटहरू, प्रचलित ट्विटहरू र विषयहरू आदि बिच स्विच गर्न सक्षम हुनेछन्। यो सुविधाले  प्लेटफर्मको प्रयोग गर्ने तरिका परिवर्तन गर्नेछ। 

टेस्ला र ट्विटरका मालिक एलोन मस्क ब्लुमबर्ग बिलियनेभर इन्डेक्सका अनुसार २०० बिलियन डलर गुमाउने विश्वको पहिलो व्यक्ति बनेका छन्। जनवरी २०२१ मा मस्कको व्यक्तिगत सम्पत्ति २०० बिलियन डलर नाघेको थियो, जब उनले अमेजनका मालिक जेफ बेजोसलाई पछाडि पारेका थिए। यसपछि उनको कुल सम्पत्ति ३ सय अर्ब डलर नाघेको थियो ।