एजेन्सी। अमेरिकामा बाइडेन  प्रशासनले ग्यास चुलोमा प्रतिबन्ध लगाउने तयारी गरेको छ। जसलाई उसले "लुकेको खतरा" भनिरहेको छ। तर, मानिसहरूले त्यो पत्याइरहेका छैनन्। 

घरभित्र ग्यास चुल्हो बाल्दा त्यसबाट उत्पन्न हुने धुवाँमा हुने ग्याँसले घर भित्रको हावाको गुणस्तर बिगार्छ भन्ने कुरामा मानिसहरूले विश्वास नगरेर खस कुरा के हो भन्ने खोजी गरिरहेका छन्। 

के ग्यास चुलो खतरनाक नै छ?

नेशनल रिन्यु, ब्लूमबर्ग र सीएनएनका लगभग समान लेखहरूले अमेरिकी उपभोक्ता उत्पादन सुरक्षा आयोगले कसरी "यो जाडोमा ग्यास चुल्हो खतरा हुन्छ भन्ने सार्वजनिक टिप्पणी" युक्त विवरणहरू प्रकाशित गरेका छन्।

ती लेखहरू दाबी गर्छन्: दम रोग, मुटुमा  समस्या, क्यान्सर, र अन्य स्वास्थ्य समस्यासँग यो विषय जोडिएको छ। गत महिना इन्टरनेशनल जर्नल अफ इन्भाइरोन्मेन्टल रिसर्च एन्ड पब्लिक हेल्थमा प्रकाशित पियर-समीक्षा गरिएको अनुसन्धान अनुसार हालको बाल्यकालमा हुने दमका १२ प्रतिशत भन्दा बढी केसहरू ग्यास चुलोको प्रयोगसँग सम्बन्धित छन्।

ब्लुमबर्गका अनुसार, लगभग ४० प्रतिशत अमेरिकी घरहरूले खाना पकाउन ग्यास चुलो प्रयोग गर्छन्। त्यसैले त्यसमा सीधा प्रतिबन्ध लगाउनु अव्यवहारिक हुनेछ। देशको ४० प्रतिशत जनतामाथि अपराध गर्न गाह्रो हुन्छ त्यसैले लगभग निष्प्रभावी हुनेछ।