लुम्बिनी प्रदेशमा आज सार्वजनिक बिदा, स्थापना दिवस मनाउँदै

आर्थिकन्यूज
बुधबार, ०३ फागुन २०७९

काठमाडौं । लुम्बिनी प्रदेश सरकारले आज सार्वजनिक बिदा दिएको छ । प्रदेश स्थापना दिवसका अवसरमा सरकारले उक्त प्रदेश भरिमा सार्वजनिक बिदा दिएको हो ।

लुम्बिनी प्रदेशको स्थापना प्रदेश ५ का नाममा २०७४ सालमा आजकै मितिमा स्थापना भएको थियो । उक्त प्रदेशमा ५ वर्ष अगाडि आजकै दिनमा नेकपा (एमाले)का शंकर पोखरेल मुख्यमन्त्रीमा नियुक्त भएका थिए ।

२०७९ साल मंसिर ४ गतेको चुनावपछि एमालेकै लीला गिरिले प्रदेश सरकारको नेतृत्व गरेका छन् ।

स्थापना दिवसका अवसरमा विभिन्न व्यक्तिलाई सम्मान तथा विभूषण प्रदान गर्ने कार्यक्रम रहेको छ ।