अनेरास्ववियुको अध्यक्षमा हारेका लामिछानेले भने, मर्यादा बिर्सनेहरुलाई प्यार

आर्थिकन्यूज
शुक्रबार, ०५ फागुन २०७९

काठमाडौं । नेकपा (एमाले)को विद्यार्थी संगठन अनेरास्ववियुको अध्यक्ष वदमा पराजित भएपछि प्रत्यासी आरसी लामिछानेले अरुलाई मर्यादा विर्सिएको आरोप लगाएका छन् । बिहीबार राति भएको मतदानमा फराकिलो मतान्तरले पराजित लामिछानेले सामाजिक सञ्जाल मार्फत आक्रोश पोखेका हुन् ।

लामिछाने लेछन्– ‘मर्यादा बिर्सनेहरुलाई प्यार, तिम्रो निचतालाई धिक्कार । हामी भेट्ने छौँ ।’

एमालेले सर्वसम्मतिमा नेतृत्व छान्न खोजे पनि आकांक्षीहरुकै कारण निर्वाचन गर्नु परेको थियो । अनेरास्ववियुको अध्यक्षमा समिक बडाल विजयी भएका छन् । बडालले ९६२ मत ल्याएर विजयी बन्दा लामिछानेले ३५६ मत ल्याएका छन् ।