खोरमा आगो लाग्दा चार बाख्रा मरे

आर्थिकन्यूज
सोमबार, ०८ फागुन २०७९

काठमाडौं । तनहुँको देवघाट गाउँपालिका –५ कालीमाटीस्थित भट्टराई कृषि बाख्रा खोरमा आगलागी हुँदा चारवटा बाखा मरेका छन् । बुद्विप्रसाद उपाध्यायको फार्ममा आइतबार आगलागी हुँदा खोरमा रहेका चार बाख्रा जलेर मरेका हुन् ।

आगलागीले चार बाख्रा मरेको र १८ बाख्रा घाइते भएको प्रहरीको भनाइ रहेको छ । क्षतिको विवरण लिने काम भइरहेको प्रहरीले जनाएको छ । यसअघि माघ २६ गते बन्दीपुर गाउँपालिका –५ याम्पास्थित कुमालटारी कृषि फर्ममा आगलागी हुँदा करिव ६० लाखको नोक्सान भएको प्रहरी जनाएको छ ।