निर्माणाधीन घरको सेफ्टी ट्यांकीमा महिलाको शव फेला

आर्थिकन्यूज
शनिबार, २० फागुन २०७९

काठमाडौं । कपिलवस्तुमा सेफ्टी ट्यांकीभित्र एक महिलाको शव फेला परेको छ । जिल्लाको शिवराज नगरपालिका–५ चन्द्रौटामा महिलाको शव फेला परेको हो ।

वडा प्रहरी कार्यालय चन्द्रौटाले दिएको जानकारी अनुसार निर्माणाधीन रिफ्रेस सेन्टरको सेफ्टी ट्यांकीमा शनिवार महिलाको शव भेटिएको छ । बालबालिकाले शव देखेपछि प्रहरीलाई खबर गरेका हुन् ।

महिलाको शवको पहिचान गर्न नसकिएको र हत्याको आशंका गरिएको छ। दुर्गन्धित क्षेत्र रहेकाले शवको पहिचान हुन नसकेको प्रहरीले बताएको छ ।