काठमाडौंमै पानीको ड्रममा डुबेर बालकको ज्यान गयो

आर्थिकन्यूज
शुक्रबार, ०३ चैत्र २०७९

काठमाडौं । काठमाडौंमा आज पानीको ड्रममा डुबेर एक बालकको मृत्युृ भएको छ । काठमाडौंको तारकेश्वर नगरपालिकामा पानीको ड्रममा डुबेर एक बालकको मृत्यु भएको हो ।

प्रहरीले दिएको जानकारी अनुसार तारकेश्वर नगरपालिका–१ साङ्ला बस्ने विष्णु तामाङका एक वर्षीय छोरा आयुष तामाङको आफ्नै घरको शौचालयमा रहेको पानीको ड्रममा डुबेर आज दिउँसो मृत्यु भएको छ ।

पानीको ड्रममा डुबेर गम्भीर घाइते भएका बालक तामाङको ग्राण्डी अस्पताल धापासीमा उपचारको क्रममा मृत्यु भएको थियो ।