बैंकिङ कसूर मुद्दामा फरार दोलखाका रमेश पक्राउ

आर्थिकन्यूज
सोमबार, ०६ चैत्र २०७९

काठमाडौं । बैंकिङ कसूर मुद्दामा फरार रहेका दोलखाका रमेश कुमार श्रेष्ठ पक्राउ परेका छन् । दोलखा भिमेश्वर नगरपालिका १ चरिकोट घर भई काठमाडौं बुढानिलकण्ठ नगरपालिका १३ माईक्रोपार्क बस्ने ४४ वर्षीय श्रेष्ठलाई सोमबार प्रहरीले पक्राउ गरेको छ ।

उच्च अदालत पाटनको २०७९ पुस २९ गतेको फैसलाले बैंकिङ कसूर मुद्दामा १० दिन कैद र १३ लाख ५० हजार रूपैयाँ जरिवाना सजाय ठहर भई फरार रहेका उनलाई केन्द्रीय अनुसन्धान ब्यूरो महाराजगंजबाट खटिएको प्रहरीले काठमाडौं कोटेश्वरबाट पक्राउ गरेको हो । उनलाई फैसला कार्यान्वयनको लागि ललितपुर जिल्ला अदालतमा पेश गरिएको छ ।