एजेन्सी। अमेरिकी मिडिया टाईकुन रुपर्ट मर्डोकले ९२ वर्षको उमेरमा ५ औँ विवाह गर्ने भएका छन्। यो वर्ष उनी ६६ वर्षीय लेस्ली स्मिथसँग विवाह बन्धनमा बाँधिन लागेका हुन्। 

 लेस्ली स्मिथको पनि यो तेस्रो विवाह हुनेछ । गत वर्ष सेप्टेम्बर महिनामा यी दुईको भेट क्यालिफोर्नियामा भएको थियो । यही आउँदो गर्मीमा दुवैको विवाह हुने सम्भावना छ । रुपर्ट मर्डोक गत वर्ष आफ्नी चौथी श्रीमतीबाट अलग भएका थिए ।

"मलाई प्रेममा परिन्छ कि भन्ने डर थियो - तर मलाई थाहा छ कि यो मेरो अन्तिम हुनेछ," मर्डोकले आफ्नै मिडिया च्यानलहरू मध्ये एक न्यु योर्क पोस्टलाई भनेका छन्, ' म खुसी छु।' मर्डोकले सेन्ट प्याट्रिक दिवसमा स्मिथलाई प्रस्ताव गरेको खुलासा गरे। जबकि लेस्ली स्मिथले भनिन् कि म १४ वर्षकी विधवा हुँ । रुपर्ट जस्तै मेरो पति चेस्टर स्मिथ एक व्यापारी थिए।

मर्डोकका अघिल्ला पत्नीहरूबाट ६ जना सन्तानहरू रहेका छन्। मर्डोकका पहिलो तीन श्रीमतीबाट ६ सन्तान छन् । उनले गत वर्ष चौथो श्रीमतीसँग सम्बन्ध विच्छेद गरेका थिए । सन् २०१६ मा ८५ वर्षको उमेरमा मर्डोकले ६५ वर्षीय मोडेल जेरी हलसँग विवाह गरेका थिए। यो विवाह ६ वर्ष मात्र टिक्यो र २०२२ मा दुवै अलग भएका थिए ।

मर्डोकको पहिलो विवाह सन् १९५६ मा प्याट्रिसिया बुकसँग भएको थियो। यो विवाह १९६७ सम्म मात्र टिक्यो। दोस्रो विवाह १९६७ मा नै अन्ना मारिया त्रोबसँग  भएको थियो र त्यो सन् १९९९ सम्म चल्यो। वेन्डी देङसँग सन् १९९९ मा तेस्रो पटक विवाह गरेका उनीहरू सन् २०१३ मा छुट्टिएका थिए। उनले सन् २०१६ मा मोडल जेरी हलसँग विवाह गरे र २०२२ मा छुट्टिए ।

रुपर्ट मर्डोक को हुन्?

मर्डोकको जन्म सन् १९३१ मा अस्ट्रेलियामा भएको थियो तर हाल उनी अमेरिकी नागरिक हुन्। सन् १९५२ मा उनी आफ्नो बुबाबाट विरासतमा प्राप्त कम्पनी अस्ट्रेलिया न्यूज लिमिटेडको एमडी भए। यसपछि उनले ५० र ६० को दशकमा मिडिया व्यवसायलाई द्रुत गतिमा विस्तार गरे । मर्डोकसँग अमेरिका, अस्ट्रेलिया र बेलायतका प्रमुख पत्रिका र च्यानलहरू छन्।

म्याडोर्क बेलायतका प्रसिद्ध द टाइम्स, सन्डे टाइम्स, द सनलगायत धेरै अखबारका मालिक हुन्। अमेरिकामा उनी द वाल स्ट्रिट जर्नल, न्यु योर्क पोस्ट, डाउ जोन्स लोकल मिडिया ग्रुप, ७ न्युज इन्फर्मेशन सर्भिस, फर्स टिभी ग्रुप र स्काई इटालियाको मालिक छन्।

उनको ट्वान्टी-फस्ट सेन्चुरी फर्स नामक चर्चित चलचित्र र टेलिभिजन उद्योगमा एक प्रसिद्ध कम्पनी हो। प्रसिद्ध खेलकुद च्यानल स्टार स्पोर्ट्सको स्वामित्व समेत उनमा छ। उनको प्रसिद्ध टिभी च्यानल नेसनल ज्योग्राफिक र ब्रिटिस स्काई ब्रोडकास्टरमा पनि हुन्।

सन् २००० सम्म न्यूजकर्पमा उनका ८ सय कम्पनीहरू थिए र ५० देशहरूमा व्यवसायहरू थिए। फोर्ब्सले मर्डोकलाई सबैभन्दा धनी अमेरिकीको सूचीमा ३३ औँ स्थानमा राखेको छ। उनको विश्व वरीयता ९१ छ।