तनहुँ १ उपनिर्वाचनः स्वर्णिम वाग्लले कटाए १२ हजार मत

आर्थिकन्यूज
सोमबार, ११ बैशाख २०८०

काठमाडौं । तनहुँको क्षेत्र नं. १ को मतगणना जारी छ । पछिल्लो मत परिणाम अनुसार राष्ट्रिय स्वतन्त्र पार्टीका उम्मेदवार डा. स्वर्णिम वाग्लेले १२ हजार मत कटाएका छन् । उनले यो समाचार तयार पार्दासम्म १२ हजार ७०५ मत प्राप्त गरेका छन् ।

त्यस्तै, नेपाली कांग्रेसका गोविन्द भट्टराईले ७ हजार ६४६ प्राप्त गरेका छन् भने नेकपा एमालेका उम्मेदवार सर्बेन्द्र खनालले ४ हजार २१९ मत प्राप्त गरेका छन् ।

तनहुँ–१ मा आइतबार भएको उपनिर्वाचनमा ६३ हजार ७५७ मत खसेको निर्वाचन कार्यालयले जनाएको छ ।