बारा–२ उपनिर्वाचनः उपेन्द्र यादवको अग्रता कायमै

आर्थिकन्यूज
मंगलबार, १२ बैशाख २०८०

बारा । बारा–२ को कलैस्थित शिक्षा तालिम केन्द्रमा मतगणना जारी छ । पछिल्लो मतपरिणाम अनुसार जनता समाजवादी पार्टी (जसपा) का उपेन्द्र यादवलाई को अग्रता कायमै रहेको छ ।

हालसम्म यादवले १२ हजार ११९ मत पाएका छन् । त्यस्तै, जनमत पार्टीका शिवचन्द्र कुशवाहाले ७ हजार ६९३ मत पाएका छन् भने नेकपा एमालेका पुरुषोत्तम पौडेलले ४ हजार ३२८ मत पाएका छन् । यसका साथै राष्ट्रिय स्वतन्त्र पार्टीका रमेश खरेलले एक हजार ९४१ मत पाएका छन् ।

यस क्षेत्रबाट निर्वाचित रामसहायप्रसाद यादव नेपालको तेस्रो उपराष्ट्रपति बनेपछि उपनिर्वाचित भएको हो । आइतबार भएको उपनिर्वाचनमा बारामा करिब ६३ प्रतिशत मतदान भएको छ ।