राष्ट्रिय स्वतन्त्र पार्टीका नेता अर्यालले संसदीय दलको पदबाट राजिनामा दिए

आर्थिकन्यूज
शनिबार, १६ बैशाख २०८०

काठमाडौं । राष्ट्रिय स्वतन्त्र पार्टी (रास्वपा) संसदीय दलका नेता डोलप्रसाद अर्याल (डिपी)ले संसदीय दलको नेताको पदबाट राजीनामा दिएका छन्। शनिबार बसेको संसदीय दलको भर्चुअल बैठकमा अर्यालले राजीनामा बुझाएको रास्वपाले जनाएको छ । राष्ट्रिय स्वतन्त्र पार्टीका सभापति रवि लामिछानेले पुन संसदमा चुनाव जितेर आएपछि अर्यालले संसदीय दलका उपनेता विराजभक्त श्रेष्ठसमक्ष राजीनामा बुझाएका छन् ।

सो बैठकले पार्टी सभापति रवि लामिछाने संसदीय दलको नेता चयन गर्दैछ । वैशाख १० गते भएको उपनिर्वाचनमा लामिछाने चितवन क्षेत्र नम्बर २ बाट प्रतिनिधिसभा सदस्यमा निर्वाचित भएका थिए ।