एजेन्सी ।  संसारभरका अर्बपतिहरूले अब न्यूयोर्क, मस्को, बेइजिङ जस्ता ठूला शहरहरू मन पराउँदैनन्। यही कारणले अहिले उनीहरुले नयाँ घर बनाउन थालेका छन् । बीक्यू प्राइमको रिपोर्ट अनुसार सिंगापुर, मियामी र दुबई अर्बपतिहरूको नयाँ गन्तव्य बन्दैछन्। हो, लामो समयदेखि करोडपति र अर्बपतिहरू सिंगापुर, मियामी र दुबई जस्ता देशहरूतर्फ घुमिरहेका छन्। यी हुन् ती ३ सहर जहाँ विश्वभरका अर्बपतिहरू निरन्तर सरिरहेकै छन् । तर, यी सहरहरूको सौन्दर्य, समुद्र तट र सफा समुद्रका कारण मात्रै यो अरबपतिहरूको मनपर्ने गन्तव्य बन्दै गएको होइन, यसका अन्य धेरै कारण पनि छन् । त्यसोभए हामी तपाईलाई यस बारे विस्तृत रूपमा बताउँछौं।

वास्तवमा, कोभिड महामारीपछि काम गर्ने तरिका संसारभर परिवर्तन भएको छ। कोभिडको समयमा उत्पन्न भएको परिस्थितिले टाढाको अफिसबाट पनि आरामसँग काम गर्न सकिन्छ भन्ने स्पष्ट पारेको छ। अब कामको बाधा हट्यो । अरु के चाहियो ? यसपछि सहर चाहिन्छ जहाँ कर कम छ । अपराध कम छ । सुविधा धेरै छन । पूर्वाधार धेरै छ र सँगै मनमोहक दृश्य पनि छन ।

एक रिपोर्ट अनुसार सन् २०२२ मा १२ प्रतिशत अर्बपतिले न्यूयोर्क छोडेका थिए भने १४ प्रतिशत अर्बपतिले हङकङ छाडेका थिए । जबकि सबैभन्दा धेरै अर्बपतिहरू अर्थात् १५ प्रतिशत मस्को शहर छोडिसकेका छन्। त्यसपछि केही अर्बपतिहरू सिंगापुर र कोही दुबईतिर लागेका छन् । यी ठूला सहर छोडेर अहिले मियामी, सिंगापुर र दुबई सर्दै छन् । यसको एउटा कारण यो पनि हो कि यी शहरहरूले यी अरबपतिहरूको प्रवेशका लागि ढोका खुला राखेका छन्।

 यो शहर लक्जरी सम्पत्ति बजारको हिसाबले पनि शीर्ष ३ नम्बरमा छ। यहाँ घरजग्गाको मूल्यमा सबैभन्दा बढी वृद्धि हुने अनुमान गरिएको छ । यसबाहेक, सरकार स्थिर छ । मौसम उत्कृष्ट छ र जीवनशैली उत्कृष्ट छ। यसबाहेक सिंगापुरले आकर्षक करमा छुट दिइरहेको छ भने दुबईले गोल्डेन भिसा दिइरहेको छ । यी सहरहरूले आफैलाई निम्तो गरिरहेका छन्। तर बैंक खातामा करोडौं रुपैयाँ हुनुपर्छ।

ब्रेकआउट क्यापिटलका संस्थापक र रकफेलर इन्टरनेशनलका अध्यक्ष रुचिर शर्मा फाइनान्सियल टाइम्समा लेख्छन्, ‘पूँजीवादी शहरहरू अब एकअर्काको नजिक आउँदैछन्। भनिएको छ मियामी–दुबई उडानमा बिजनेश क्लास अहिले दैनिक भरिएको छ। यो प्रत्यक्ष रूपमा अमेरिकी उद्यमीहरू र मध्य पूर्वको तेल सम्पदासँग सम्बन्धित छ। दुबईको सफलतालाई दोहोर्याउन चाहने जिम्बाब्वेलगायत अन्य धेरै देश छन् ।

न्यूयोर्कमा चर्को कर दर र अर्बपतिहरूको विरुद्धमा चर्को आन्तरिक विरोध भइरहेको छ ।  जसका कारण त्यहाँबाट यी धनीहरूको पलायन भइरहेका छन। मस्कोमा रुस–युक्रेन युद्धको प्रभाव र बेइजिङका सरकारी संस्थाहरूको दबाबले त्यस्ता मानिसहरूलाई देश छोड्न बाध्य तुल्याइरहेका छन।