एजेन्सी । अमेरिकाको फेडरल रिजर्भले ब्याजदर २५ आधार बिन्दुले बढाउने घोषणा गरेको छ । ब्याजदर बढाउने निर्णयलाई फेडका सबै सदस्यहरूले सर्वसम्मतिले अनुमोदन गरेका छन् । यससँगै बैंकले ब्याजदर थप नबढाइने समेत संकेत गरेको छ ।

 यससँगै बैंकले ब्याजदर थप नबढाइने समेत संकेत गरेको छ । फेडरल रिजर्भको यस्तो नीतिलाई लिएर बजारले यसपटक पनि ब्याजदर बढाउने घोषणा हुने अनुमान गरेको थियो । उल्लेखनीय कुरा के छ भने, ‘गत मार्चदेखि सुरु भएको ब्याजदरमा यो लगातार १० औं वृद्धि हो ।’ 

तर, यस वर्ष अमेरिकामा सम्भावित मन्दी आउने प्रक्षेपण गरिएको र अर्कोतर्फ बैंकिङ संकट फेरि गहिरो हुन थालेको अवस्थामा फेडका अध्यक्ष जेरोम पावेलले मे नीतिमै ब्याजदर फ्रिज गर्ने घोषणा गर्नेमा बजार आशावादी थियो । सिलिकन भ्याली बैंक, सिग्नेचर बैंक र अहिले फर्स्ट रिपब्लिक बैंक बन्द भए पनि फेडले मुद्रास्फीति र बढेको दरमा बढी ध्यान दिएको छ।

फेडरल रिजर्भले जारी गरेको विज्ञप्तिमा भनिएको छ, ‘अमेरिकी बैंकिङ प्रणाली बलियो र लचिलो छ। घर र व्यवसायका लागि ऋण सर्तहरू कडा हुँदा आर्थिक गतिविधि, भर्ती र मुद्रास्फीतिमा असर पर्न सक्छ। यी प्रभावहरू कति हदसम्म हुनेछ अनिश्चित छ। यो समिति मुद्रास्फीतिको जोखिमको बारेमा धेरै सतर्क छ।’