जुम्ल्याहा दाजुभाइको पोखरीमा डुबेर मृत्यु

आर्थिकन्यूज
आइतबार, २४ बैशाख २०८०

काठमाडौं । जनकपुरधाम उपमहानगरपालिका–२४ का अलिहसन अंसारीका जुम्ल्याहा छोरा ९ वर्षीय मोहमद अल्कामा र मोहमद अब्दुलको पोखरीमा डुबेर मृत्यु भएको छ ।

जिल्ला प्रहरी कार्यालय धनुषाका अनुसार शनिबार साँझ स्थानीय गोगल प्रसाद नमुना माविनजिकैको पोखरीमा नुहाउने क्रममा डुबेर दुवै बालकको मृत्यु भएको हो ।

बालकहरू पोखरीमा डुबेको खबर प्राप्त हुनासाथ जिरोमाईलस्थित प्रहरी चौकीबाट गएको प्रहरी टोलीले उनीहरूलाई पोखरीबाट निकालेर उपचारका लागि प्रादेशिक अस्पताल जनकपुर पुर्‍याएको थियो ।