नक्कली भुटानी शरणार्थी प्रकरणमा पक्राउ परेकालाई थप दुई दिन हिरासतमा राखिने

आर्थिकन्यूज
मंगलबार, ०९ जेठ २०८०

काठमाडौं । नक्कली भुटानी शरणार्थी प्रकरणमा पक्राउ परेकाहरुलाई थप २ दिन हिरासतमा राखिने भएको छ । यस प्रकरणमा पक्राउ परेका १६ जनालाई थप २ दिन हिरासतमा रखिने भएको हो ।

जिल्ला अदालत काठमाडौंले मंगलबार उनीहरुलाई हिरासतमा राखेर अनुसन्धान गर्न प्रहरीलाई अनुमति दिएको हो । यस प्रकरणमा पूर्वउपप्रधानमन्त्री तथा एमाले नेता टोपबहादुर रायमाझी, पूर्वगृहमन्त्री तथा कांग्रेस नेता बालकृष्ण खाँण, नेपाल सरकारका सचिव टेकनारायण पाण्डे र तत्कालीन गृहमन्त्री रामबहादुर थापाका सुरक्षा सल्लाहकार इन्द्रजित राई सहित १६ जना पक्राउ परेका छन् ।