एजेन्सी । भारतीय बैंकलाई त्यहाको केन्द्रीय बैंक आरबीआईले ठूलो जरिवाना लगाएको छ ।  भारतीय रिजर्व बैंकले नियम उल्लङ्घन गर्ने तीन ठूला बैंकहरू विरुद्ध कडा कदम चालेको हो। यसअन्तर्गत केन्द्रीय बैंकले यी बैंकलाई भारी जरिवाना गरेको छ । आरबीआईले जरिवाना लगाएका तीन बैंकहरूमा जम्मू र कश्मीर बैंक ,बैंक अफ महाराष्ट्र र एक्सिस बैंकलाई ठूलो जरिवाना लगाएको छ । 

रिजर्व बैंकले जम्मू कश्मीर बैंकलाई २.५ करोड रुपैयाँ जरिवाना लगाएको छ । यससँगै आरबीआईले बैंक अफ महाराष्ट्रलाई जारी गरिएका केही निर्देशनहरू पालना नगरेकोमा १ करोड ४५ लाख रुपैयाँ जरिवाना पनि लगाएको छ ।

केन्द्रीय बैंकले अर्को विज्ञप्तिमा एक्सिस बैंकलाई ३० लाख जरिवाना गरेको जनाएको छ । आरबीआईले भन्यो, एक्सिस बैंकले क्रेडिट कार्डको बक्यौताको ढिलो भुक्तानीको लागि केही खाताहरूमा जरिवाना शुल्क लगाएको थियो । जबकि ग्राहकहरूले तेस्रो पक्ष प्लेटफर्महरू मार्फत निर्धारित मितिसम्म भुक्तानी गरेका थिए।

आरबीआईका अनुसार यो जरिवाना बैंकहरूले नियामक अनुपालनमा कमजोरीहरूमा आधारित छ।  यस कार्यले बैंकले आफ्ना ग्राहकहरूसँग गरेको कुनै पनि कारोबार वा सम्झौताको वैधतामा प्रश्न उठाउँदैन।