भाटभटेनीका सञ्चालक मीनबहादुर गुरुङ पक्राउ

आर्थिकन्यूज
मंगलबार, १२ असार २०८०

काठमाडौं । ललिता निवास प्रकरणमा भाटभटेनी सुपरमार्केटका सञ्चालक मीनबहादुर गुरुङ पक्राउ परेका छन् । केन्द्रीय अनुसन्धान ब्युरो (सीआईबी)ले गुरुङलाई मंगलबार पक्राउ गरेको हो ।

अपराध अनुसन्धान ब्युरोका प्रमुख प्रहरी नायब महानिरीक्षक (एआईजी) किरण बज्राचार्यले गुरुङलाई पक्राउ गरेको घुमाउरो पारामा पुष्टि गरे । उनले आर्थिक न्युजसँग भने, ‘अपरेसन जारी थियो । उनी पक्राउ परिसके होलान् ।’

ललिता निवास प्रकरणमा मुछिएका गुरुङ प्रहरीको फरार सूचीमा रहेका थिए । उनलाई उनकै निवास नक्सालबाट पक्राउ गरेको हो । उनले ललिता निवासको २९९ रोपनी ३ आना सरकारी जग्गा हिनामिना गरेको आरोप रहेको छ ।