टासीको घरमा जुवातास खेलिरहेका सात जना पक्राउ

आर्थिकन्यूज
सोमबार, १८ असार २०८०

तेह्रथुम । जुवातास खेलिरहेको अवस्थामा सात जना पक्राउ परेका छन् । आठराई गाउँपालिका १ संक्रान्ति बजार बस्ने टासी लामाको घरमा जुवातास खेलिरहेको अवस्थामा लामासमेत ७ जनालाई सोमबार बिहान प्रहरीले पक्राउ गरेको हो ।

विशेष सूचनाको आधारमा ईलाका प्रहरी कार्यालय आठराईबाट खटिएको प्रहरीले उनीहरूलाई २ लाख ९३ हजार ५ सय ६ नेपाली रूपैयाँ र ८ हजार ३ सय ४० भारतीय रूपैयाँसहित पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।