एजेन्सी । थाइल्याण्डमा एक साताअघि बेपत्ता भएका एक  जना करोडपति व्यापारीको शव फ्रीजभित्रबाट फेला परेको छ । शवलाई धारिलो हतियारले धेरै टुक्रा पारिएको थियो । त्यसपछि अपार्टमेन्टको फ्रिजरमा मृतकको कार फेला परेपछि प्रहरीले शव समातेको थियो । कुरा थाइल्याण्डको हो । तर, मृतक जर्मन नागरिक हुन् । हाल थाई पुलिस घटनाको अनुसन्धानमा जुटेको छ।

डेली मेलको रिपोर्टका अनुसार बेपत्ता ६२ वर्षीय जर्मन रियल इस्टेट टाइकुन हान्स पिटर वाल्टर म्याकको शव हिजो साँझ प्रहरीले फेला पारेको छ। पट्टाया शहरको एक भाडाको घरमा शव फेला परेको थियो । जसलाई फ्रीजरमा राखिएको थियो। घटनास्थलबाट अटोमेटिक चेनस डोरी, भ्याकुम सिलर, पानीको बोतल आदि बरामद भएको छ ।

शव देखेपछि पिटर वाल्टरको निर्ममतापूर्वक हत्या भएको थाहा हुन्छ । उनको टाउको, धड़ र हात खुट्टा सबै फरक रहेको प्रहरीले जनाएको छ । शव काट्न आरा प्रयोग गरिएको थियो। त्यसपछि शरीरका अंगहरूलाई प्लास्टिकको झोलामा राखिएका थियो ।