सुन प्रकरणः ठमेलको भियना होटेलमा छापा, एक जना पक्राउ

आर्थिकन्यूज
आइतबार, १४ साउन २०८०

काठमाडौं । एक क्विन्टल सुन प्रकरणमा राजस्व अनुसन्धान विभागले ठमेलको एक होटेलमा छापा मारेको छ । आज विहान विभागले उक्त होटलमा छापा मार्दा दावा छिरिङ नाम गरेका एक जनालाई पक्राउ गरेको छ ।

चीनको हंडकङबाट ‘ब्रेक शु’ भित्र आएको सुन विमानस्थलको भन्सार जाँच पास भए बाहिरिएपछि राजस्वको टोलीले बरामद गरेको थियो । सोहि प्रकरणमा छिरिङको समेत संलग्नता देखिएको आशंकामा विभागले उनलाई केहि कागजातसहित पक्राउ गरेको हो ।

उनीसंगै यस प्रकरणमा पक्राउ पर्नेको संख्या १९ पुगेको छ । उक्त सुनबारे थप अनुसन्धान भइरहेको विभागले जनाएको छ ।