यी स्थानमा पानीको सतह बढेकाले सतर्कता अपनाउन आग्रह

आर्थिकन्यूज
मंगलबार, २३ साउन २०८०

काठमाडौं । गएरातिदेखि परेको वर्षाको कारण उपत्यकाको जनजीवन अस्तव्यस्त बनको छ । साउन २३ बिहान ६ बजे काठमाडौं उपत्यकाको बुढानिलकण्ठ, सुन्दरीजल, नगरकोट र आसपास भारी बर्षा भएको, विष्णुमती, धोविखोला, मनोहरा, बागमती लगायतमा जलसतह बढिरहेको जल तथा मौसम पूर्वानुमान महाशाखाले जनाएको छ ।

सतर्कता तह नजिक पुगेकोले उपत्यकाको नदी तटीय क्षेत्रहरूमा रहनेहरू तथा नदी किनारको सडकबाट यात्रा गर्नेहरूले बिहान ११ बजे सम्म उच्च सतर्कता अपनाउन महाशाखाले अनुरोध गरेको छ ।