सिद्धार्थ क्यापिटल अन्तर्गतका दुई योजनाको प्रतिफल घोषणा

आर्थिकन्यूज
शुक्रबार, ०१ भदौ २०८०

काठमाडौं । सिद्धार्थ क्यापिटल लिमिटेड अन्तर्गत सञ्चालित दुई योजनाहरूले गत आर्थिक वर्ष ०७९/८० को प्रतिफल घोषणा गरेका छन् । क्यापिटलको साउन ३२ गते बसेको सञ्चालक समितिको बैठकले सिद्धार्थ इक्विटी फण्डका इकाईधनीहरूका लागि ५ प्रतिशत र सिद्धार्थ इन्भेष्टमेन्ट ग्रोथ स्किम–२ का इकाईधनीहरूका लागि ६ दशमलव ५ प्रतिशत प्रतिफल वितरण गर्ने निर्णय गरेको हो ।

यी दुई योजनाको प्रतिफल कर समेत हुने जानकारी योजना व्यवस्थापक सिद्धार्थ क्यापिटलले दिएको छ । साउन ३२ गतेकै बैठकले सिद्धार्थ इन्भेष्टमेन्ट ग्रोथ स्किम–३ को इकाईधनीहरूलाई भने प्रतिफल वितरण नगर्ने निर्णय समेत गरेको छ ।