एजेन्सी । बस्ती विस्तार गर्न भन्दै १९० मिलियन अमेरिकी डलर (करिब २५ अर्ब २७ करोड रुपैयाँ) बजेट छुट्याएको इजरायल आलोचित भएको छ ।

प्यालेस्टिनी अधिकारीहरूले शुक्रबार इजरायली सरकारको वेस्ट बैंकमा अनियमित वित्तपोषण गरेर बस्ती निर्माणलाई थप जटिल बनाउन १९० मिलियन अमेरिकी डलर कोष छुट्याउने योजनालाई अस्वीकार गरेका हुन्‌ । 

प्यालेस्टाइनी विदेश मन्त्रालयले दक्षिणपन्थी इजरायली सरकार वेस्ट बैंकको अघोषित क्रमिक विलयलाई गति दिन थप जमिन  हरण गर्न दौडिरहेको आरोप लगाएका छन्‌ ।

‘हामी विस्तारवादी औपनिवेशिक इजरायली नीति सहित प्रत्येक दिन कब्जा गर्ने अधिकारीहरू र बसोबास गर्नेहरूको उल्लङ्घन र अपराधको वृद्धिको बीचमा बाँचिरहेका छौं र यो इजरायली सरकारका निर्णयहरूको व्यावहारिक  प्रतिबिम्ब पनि हो,’ मन्त्रालयले जारी गरेको विज्ञप्तिमा उल्लेख छ ।

यसले इजरायली सरकारलाई यसको बस्ती निर्माण र विस्तारको निर्णयले द्वन्द्वग्रस्त क्षेत्रमा थप तनाब निम्त्याउँने र त्यसको पूर्ण र प्रत्यक्ष रूपमा जिम्मेवार हुने बताएको छ ।  

आधिकारिक प्यालेस्टिनी तथ्याङ्कका अनुसार वेस्ट बैंक र पूर्वी जेरुसेलममा ६ लाख भन्दा बढी इजरायली बसोबास गर्छन् । इजरायलले  सन् १९६७ मा वेस्ट बैंक कब्जा गरेपछि त्यहाँ बस्तीहरू स्थापना गरेको छ, जुन अन्तरराष्ट्रिय कानून विपरीत हो ।