बैंकिङ कसुर मुद्दामा सन्तोष घले पक्राउ

आर्थिकन्यूज
मंगलबार, १२ भदौ २०८०

काठमाडौं । बैंकिङ कसुरमा एक जना पक्राउ परेका छन् । बैंकिङ कसुर मुद्दामा नुवाकोट घर भई काठमाडौंको तारकेश्वर–१० बस्ने ३८ वर्षीय सन्तोष घले पक्राउ परेका हुन् ।

बैंकिङ कसुर मुद्दामा जिल्ला अदालत काठमाडौंबाट पक्राउ अनुमति जारी भई फरार रहेकामा उनलाई काठमाडौं उपत्यका अपराध अनुसन्धान कार्यालय काठमाडौंबाट खटिएको प्रहरी टोलीले आज उनलाई पक्राउ गरेको हो ।

काठमाडौंको छाउनीबाट पक्राउ परेका उनलाई आवश्यक कारबाही तथा अनुसन्धानका लागि प्रहरी वृत्त महाराजगञ्ज पठाइएको कार्यालयका प्रहरी उपरीक्षक रवीन्द्र रेग्मीले जानकारी दिए ।