भारतले भुटान, मरिसस र सिंगापुरमा चामल निर्यात गर्न अनुमति दियो

आर्थिकन्यूज
विहीबार, १४ भदौ २०८०

एजेन्सी । भारत सरकारले १ लाख ४३ हजार टन गैर–बासमती चामल भुटान, मरिसस र सिंगापुरमा निर्यात गर्न अनुमति दिएको छ । वैदेशिक व्यापार महानिर्देशनालयले एक सूचना जारी गर्दै नेसनल कोअपरेटिभ एक्सपोर्ट लिमिटेड मार्फत यो निकासी अनुमति दिएको जानकारी दिएको छ ।

भुटानमा ७९ हजार टन, मरिससमा १४ हजार टन र सिंगापुरमा ५० हजार टन गैर–बासमती सेतो चामल निकासी गरेको जानकारी दिएको छ । स्वदेशी आपूर्ति बढाउन साउन २० गते गैर(बासमती सेतो चामलको निकासीमा प्रतिबन्ध यथावत रहे पनि खाद्य सुरक्षाको आवश्यकता पूरा गर्न र सरकारको अनुरोधमा अन्य मुलुकमा निर्यात गर्न दिइएको छ ।