जुवातास खेलिरहेका छ जना पक्राउ

आर्थिकन्यूज
शुक्रबार, १५ भदौ २०८०

दाङ । जुवातास खेलिरहेका छ जना पक्राउ परेका छन् । घोराही उपमहानगरपालिका १४ स्थित जगत चौधरीको टिनको छाप्रोमा जुवातास खेलिरहेको अवस्थामा सोही ठाउँ बस्ने ३३ वर्षीय बिबेक चौधरी लगायत ६ जनालाई शुक्रबार बिहान प्रहरीले पक्राउ गरेको हो ।

वडा प्रहरी कार्यालयय घोराहीबाट गस्तीमा खटिएको प्रहरी टोलीले उनीहरुलाई नगद ४७ हजार ३ सय र ताससहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।