पाकिस्तानमा आगामी जनवरीमा आम चुनाव

आर्थिकन्यूज
विहीबार, ०४ असोज २०८०

एजेन्सी । पाकिस्तानमा आगामी जनवरीमा आम निर्वाचन हुने भएको छ । आगामी जनवरीको अन्तिम सातामा चुनाव गर्ने घोषणा निर्वाचन आयोगले बिहीबार गरेको हो ।

‘निर्वाचन क्षेत्रको अन्तिम नामावली नोभेम्बर ३० मा प्रकाशित हुनेछ। त्यसपछि ५४ दिनको निर्वाचन कार्यक्रम पश्चात सन् २०२४ को जनवरीको अन्तिम साता निर्वाचन हुनेछ,’ आयोगले सार्वजनिक गरेको विज्ञप्तिमा उल्लेख छ ।

पूर्वप्रधानमन्त्री इमरान खानलाई पक्राउ गरेर जेल हालिएपछि गत अगष्ट १० मा पाकिस्तानको संसद्‌ भंग भएको थियो । संसद्‌ भंग भएको ९० दिनभित्रै आम चुनाव गर्नुपर्नेमा त्यहाँको निर्वाचन आयोगले झण्डै पाँच महिनापछि चुनाव गर्ने जनाएको हो ।