मणिपाल शिक्षण अस्पतालमा डाक्टरलाई कुटपिट गर्ने व्यक्ति पक्राउ

आर्थिकन्यूज
मंगलबार, ०९ असोज २०८०

काठमाडौं । मणिपाल शिक्षण अस्पतालमा उपचारमा संलग्न स्वास्थ्यकर्मीमाथि कुटपिट गर्ने व्यक्तिलाई पक्राउ परेको जिल्ला प्रहरी कार्यालय कास्कीले जनाएको छ । मृत्युको कारण खुलाउनुपर्ने माग राखी आन्दोलनका क्रममा उपचारमा संलग्न चिकित्सकलाई कुटपिट गरेको घटनामा पोखरा–५ मालेपाटनका ३४ वर्षीय विनय गुरुङलाई नियन्त्रणमा लिइएको प्रहरीले जनाएको छ ।

असोज ७ गते लमजुङ सुन्दरबजार नगरपालिका–६ की सुकमाँया दुरा श्वासप्रश्वास तथा ढाड दुख्ने समस्याको उपचारार्थ क्रममा असोज ८ गते डाक्टरद्वारा मृत घोषणा गरिएकोमा मृतकका आफन्तहरूले डाक्टरको लापरवाहीको कारण मृत्यु भएको भन्दै आन्दोलन गरेका थिए ।